ЗМЕСТ ДЫСЦЫПЛIНЫ. Фарміраванне прафесійных кампетэнцый

Фарміраванне прафесійных кампетэнцый

Бібліятэкара-метадыста

Вучэбна-метадычны комплекс для студэнтаў 5 курса факультэта iнфармацыйна-дакументных камунiкацый дзеннай формы навучання

Лазарава Іна Пятроўна

выкладчык

Мiнск 2012

Рабочая праграма

(зацверджана пратакол № 2 ад 19.10 2012г.)

УСТУП

Актуальнасць вывучэння дысцыпліны абумоўлена ўзрастаючай роллю працы метадыста ва ўдасканаленні і развіцці бібліятэчнай галіны Метадычныя кадры бібліятэк, якія на высокім узроўні валодаюць усімі ключавымі прафесійнымі кампетэнцыямі, з’яўляюцца рухаючай сілай прафесійных інавацый і павінны займаць вартае месца ў структуры бібліятэчнага персанала, і, адпаведна, метадычных цэнтраў

Праграма дысцыпліны “Фарміраванне прафесійных кампетэнцый бібліятэкара-метадыста” распрацавана ў адпаведнасці з Дзяржаўным адукацыйным стандартам вышэйшай прафесійнай адукацыі па спецыяльнасці Е1–23.01.11 «бібліятэказнаўства і бібліяграфія».

Задачы курса – фарміраванне ў студэнтаў комплексных ведаў аб прафесійных кампетэнцыях бібліятэкара-метадыста, іх складаючых і шляхах фарміравання.

У праграме ў лагічнай узаемасувязі вылучаны тэмы, якія раскрываюць спецыфіку прафесійных кампетэнцый бібліятэкара-метадыста, сутнасць, кампаненты, формы і метады іх фарміравання, ролю ў прафесійнай дзейнасці.

Пры складанні праграмы ўлічваліся міжпрадметныя сувязі з дысцыплінамі “Бібліяграфазнаўства. Тэорыя”, “Бібліятэчны тэхналагічны менеджмент”, “Бібліятэказнаўства. Тэорыя”, “Дакументазнаўства”, Бібліятэчная статыстыка” і іншымі курсамі, якія служаць фундаментам у набыцці прафесійных ведаў па спецыялізацыі “бібліятэкар-метадыст”.

Патрабаванні да ўзроўню засваення зместу курса. Студэнт павінен ведаць:

¾ галоўныя прыярытэтныя напрамкі бібліятэчнай палітыкі дзяржавы;

¾ сутнасць, функцыі, задачы дзейнасці бібліятэкара-метадыста на сучасным этапе развіцця бібліятэчнай справы;

¾ актуальныя праблемы, якія стаяць перад метадыстам і метадычнай службай.

¾ прафесійныя кампетэнцыі і іх сутнасць;

¾ тыпалогію асобы метадыста;

¾ сістэму павышэння кваліфікацыі бібліятэчных кадраў;

¾ сістэму арганізацыйна-дарадчай дакументацыі;

¾ прафесіяграму метадыста;

¾ паказчыкі дзейнасці бібліятэкі;

¾ патрабаванні да выдавецкай дзейнасці бібліятэкі;

¾ выкарыстанне новых інфармацыйных тэхналогій у метадычнай дзейнасці і павышэнні кваліфікацыі;

валодаць методыкамі:

¾ выяўлення і ўкаранення інавацыйнага вопыту ў дзеqнасць бібліятэкі;

¾ самаадукацыі;

¾ распрацоўкі мерапрыемстваў па павышэнні кваліфікацыі;

¾ стварэння метадычных дапаможнікаў;

¾ складання метадычных рэкамендацый

¾ стварэння іміджу бібліятэкара-метадыста:

¾ распрацоўкі планаў і справаздач;

умець:

¾ распрацоўваць статыстычныя табліцы;

¾ запаўняць формы статыстычнай справаздачнасці;

¾ прымяняць новыя інфармацыйныя тэхналогіі ў павышэнні кваліфікацыі і арганізацыі працы;

¾ наладжваць сувязі з грамадскасцю і арганізацыямі, установамі.

Выкарыстанне вучэбна-метадычнага комплекса па дысцыпліне, рэйтынгавай сістэмы ацэнкі вучэбнай і даследчай дзейнасці студэнтаў, варыятыўных мадэлей кіруемай самастойнай работы садзейнічае арганізацыі кантрольна-ацэначнай дзейнасці выкладчыка.

Пры правядзенні семінарскіх заняткаў па дысцыпліне мэтазгодна выкарыстоўваць дыскусійныя формы, методыкі актыўнага навучання, што будзе садзейнічаць фарміраванню сучасных сацыяльна-асабовых і сацыяльна-прафесійных кампетэнцый будучых спецыялістаў.

У межах вывучэння курса праводзяцца розныя віды кантроля за самастойнай працай студэнтаў (ацэнка пісьмовых прац, тэстаў, вуснае субяседаванне і інш.). Завяршаецца вывучэнне курса экзаменам.

ПРЫКЛАДНЫ ТЭМАТЫЧНЫ ПЛАН КУРСА

ЗМЕСТ ДЫСЦЫПЛIНЫ