ОТРЫВКИ ИЗ ЖИТИЯ ОРДЫНСКОГО ЦАРЕВИЧА ПЕТРА

Отрывки из жития блаженного Петра, царевича Ордынского, на которые сделаны указания в нашей «Истории»

1. «Святому архиепископу Ростовскому Кирилу ходящу в татары с честию к царю Берки за дом святыа Богородица. Царь же, слышав от него иже о святом Леонтии от Греческия земли родом и како благословением патриарха прииде, како крести град Ростов, и како увери люди, и како честь прия (от) руских князей, и от греческаго царя, и от патриарха Вселенскаго Собора, како по преставлении его содеваются чюдеса преславная от раки мощей его и до сего дни. И ина многаа учениа от евангельскых указаний глагола. И слышав царь Берка от епископа, возрадовася, и почести возда ему, егоже требует, и отпусти и с миром царь Берка. По его животе князи ярославстии годовнии оброки носят на гроб. В то же лето разболеся сын его, един бо бе у него. Царь же от врачев не обрете никоеа пользы и умысли сице: посла в Ростов по святаго владыку и обеща ему дары многы, да исцелит сына его. Владыка же, повелев пета молебны в Ростове по всему граду, освятив воду и пришед в татары, и исцели сына царева. Царь же возрадовася со всем домом и всею Ордою своею и повеле давати владыце оброки годовнии в дом святыа Богородица.

2. Некто же отрок, брата царева сын, юн сый, предстоа пред царем всегда, слыша поучение святаго владыкы, умилися душею и прослезися; выходя на поле, уединяася и размышляв, како си веруют цари наши солнцу сему, и месяцу, и звездам, и огневи, кто сей есть истинный Бог... И умысли сице ийти с святым (владыкою) видети божницу Рускыа земли... Прииде с владыкою в Ростов и виде церковь украшенну златом, и жемчюгом, и драпнм камением, аки невесту украшенну, в ней пения доброграсная, якоже ангельская: бе бо в церкве святыа Богородица тогда левый крилос греческыи пояху, а правый рускыи. Слышав же сиа, отрок, сый в неверии, и огнь въэгореся в сердцы его, и восиа солнце в души его, и припаде к ногам святаго владыки и рече: «Молю тя, да бых и аз приял святое крещение». И владыка почти и, и повеле ждати: бе бо размышляв о искании отрока. И по мале времени царю Берки умершу, и Орде метущися, и искания отроку не бе, и крести отрока сего святый Кирил, и нарече имя ему Петр. И бе Петр учение Господне (слушая) по вся дни в святилище и у владыкы. И преставися святый владыка Кирил, и погребоша его честно, с песньми.

3. Бе выездяй (Петр) при езере ростовстем птицами ловя. Единому же ему при езери ловящу, по обыщней молитве усну, и вечеру глубоку сущу, приидоста к нему два мужа, светла суща, аки солнце, и взбудиста и, глаголюще: «Друже Петре, услышанна бысть молитва твоя, и милостыня твоа приидоша пред Богом...» И въдаста ему мешца и глаголаста: «Возми сиа мешца: в едином ти злато, а в друзем серебро... Мешца сиа держи у собя в пазусе, инеми не ведоми; а просят менящии 9 сребренных, а 10 злата, и ты дай же по единому, и взем иконы да идеши к владыце и рци ему: «Петра и Павла, Христова апостола, посласта мя к тобе, да устроиши церковь, идеже спах при езери...» И почти святый Игнатей Петра, и повеле взыти на колесницу с иконами, и повеле итти до места, идеже спа. Сам же владыка, и князь, и весь град проводиста с песньми иконы до места Петрова, и на месте спания пояста молебены святым апостолам. Князь же и владыка со слезами на молебне и радостию приаваста имя святых апостол Петра и Павла и обрекоста им домы и села. Сии молебны пояху, и людие клеть съградиша повелением князя, и привезши из града, плотом оградивше, и възвратишася, и ту Петр иконы постави.

4. Видев же князь и владыка, Петра умолкающа, и рекоша к собе: «Аще сей муж, царево племя, иде(т) в Орду, и будет спона граду нашему». Бе бо Петр возрастом велик и лицем красен. И рече ему: «Петре, хощеши ли поймеве за тя невесту?» Петр же прослезився и отвещав: «Аз, Господи, возлюбих вашу веру, и оставль родительскую веру, и приидох к вам, воля Господня и ваша будет». Князь же поим ему от великих вельмож невесту, беша бо тогда в Ростове ординстии вельможи. Владыка же венча Петра, и устрой церковь ему, и святи ю по заповеди святых апостол.

5. И родиша(ся) Петру сынове в него место... Пожив же, преставися Петр в глубоце старости, в мнишеском чину к Господу отьиде, Егоже возлюби, и положиша у святаго Петра, у его спалища, и от того дни уставися монастырь сии... Сын же Петров, шед в Орду, сказася брата царева внук, и возрадовашася ему дяди его, и почтиша его и многы дары даша ему... Внук же Петров, именем Юрье, якоже навыче у родителей своих — честь творити святей Богородици в Ростове, и гривны на ню возлагати, и пирования владыкам, и всему клиросу, и собору церковному, и праздником святых апостол Петра и Павла, и память творити родитель и прародитель, вечнаяих память по вся лета».

(Списки этого жития — в сборн. Новгор. Соф. библ. № 503. Л. 333 и сборн. моей библ. № 8. Л. 231]. По другим спискам оно напечатано в Правосл. собеседн. 1859.1. 356-376 [381]).