Студопедия

КАТЕГОРИИ:

АстрономияБиологияГеографияДругие языкиДругоеИнформатикаИсторияКультураЛитератураЛогикаМатематикаМедицинаМеханикаОбразованиеОхрана трудаПедагогикаПолитикаПравоПсихологияРиторикаСоциологияСпортСтроительствоТехнологияФизикаФилософияФинансыХимияЧерчениеЭкологияЭкономикаЭлектроника


Слава, глас 1




Предочи́стим себе́ бра́тие, цари́цею доброде́телей: / се бо прии́де, бога́тство нам благи́х подаю́щи: / страсте́й утоля́ет дме́ния, / и Влады́це примиря́ет прегреши́вшия. / Те́мже с весе́лием сию́ прии́мем, вопию́ще Христу́ Бо́гу: / Воскресы́й из ме́ртвых, неосужде́ны нас сохрани́, // славосло́вящия Тя Еди́наго Безгре́шнаго.

 

 

Неде́ля сыропу́стная, изгна́ние Ада́мово.

 

На Го́споди воззва́х, гла́с 6:

 

Созда́тель мой Госпо́дь, / персть от земли́ прие́м мя, / живоно́сным дунове́нием вдуши́в оживи́, / и почте́ на земли́ нача́льствующа ви́димыми все́ми, / и Ангелом купножи́теля. / Сатана́ же льсти́вый, / сосу́д зми́я употреби́в, сне́дию прельсти́, / и Бо́жия сла́вы разлучи́, / и преиспо́днейшей сме́рти предаде́ в зе́млю, / но я́ко Влады́ка и Благоутро́бен, // па́ки воззови́.

 

Оде́жды боготка́нныя совлеко́хся окая́нный, / Твое́ Боже́ственное повеле́ние преслу́шав Го́споди, сове́том врага́, / и смоко́вным ли́ствием, и ко́жными ри́зами ны́не облеко́хся: / по́том бо осужде́н бых хлеб тру́дный сне́сти: / те́рние же и волче́ц мне принести́, / земля́ проклята́ бысть. / Но в после́дняя ле́та воплоти́выйся от Де́вы, // воззва́в мя введи́ па́ки в рай.

 

Сла́ва, глас то́йже:

 

Се́де Ада́м пря́мо рая́, / и свою́ наготу́ рыда́я пла́каше: / увы́ мне, пре́лестию лука́вою увеща́нну бы́вшу / и окра́дену и сла́вы удале́ну! / Увы́ мне, простото́ю на́гу, ны́не же недоуме́нну! / Но о раю́, ктому́ твоея́ сла́дости не наслажду́ся: / ктому́ не узрю́ Го́спода и Бо́га моего́ и Созда́теля: / в зе́млю бо пойду́, от нея́же и взят бых. / Ми́лостиве ще́дрый, вопию́ Ти: // поми́луй мя па́дшаго.

 

Конда́к, глас 6:

 

Прему́дрости наста́вниче, смы́сла пода́телю, / нему́дрых наказа́телю, и ни́щих защи́тителю, / утверди́, вразуми́ се́рдце мое́ Влады́ко. / Ты даждь ми сло́во, Отчее Сло́во, / се бо устне́ мои́ не возбраню́, / во е́же зва́ти Тебе́: // Ми́лостиве, поми́луй мя па́дшаго.

 

 

На хвали́тех

Слава, глас 6:

Приспе́ вре́мя, духо́вных подвиго́в нача́ло, / на де́моны побе́да, всеору́жное воздержа́ние, / а́нгельское благоле́пие, к Бо́гу дерзнове́ние: / тем бо Моисе́й бысть Зижди́телю собесе́дник, / и глас неви́димо в слу́хи прия́т. / Го́споди, тем сподо́би и нас поклони́тися / Твои́м страсте́м, и свято́му Воскресе́нию, // я́ко Человеколю́бец.

 

Проще́ное воскресе́нье.

 

На Го́споди воззва́х, глас 2:

 

Воздержа́нием те́ло смири́ти вси потщи́мся, / боже́ственное преходя́ще по́прище непоро́чнаго поста́ / и моли́твами и слеза́ми Го́спода спаса́ющаго нас взы́щем, / и забве́ние зло́бы всеконе́чное сотвори́м, вопию́ще: / согреши́хом Ти, спаси́, я́коже дре́вле ниневи́тяны Христе́ Царю́, // и о́бщники ны сотвори́ Небе́снаго Ца́рствия Благоутро́бне.

 

Себе́ отчаява́ю, помышля́я де́ла моя́ Го́споди, / вся́каго муче́ния досто́йная: / се бо презре́в честны́я Твоя́ Спа́се за́поведи, / блу́дно мое́ житие́ ижди́х. / Те́мже молю́ся, ту́чами покая́ния мя очи́стив, / посто́м и моле́нием я́ко еди́н ми́лостивый просвети́, // и не гнуша́йся мене́ Благоде́телю все́х, и Преблаги́й.

 

 

По́стное вре́мя све́тло начне́м, / к подвиго́м духо́вным себе́ подложи́вше, / очи́стим ду́шу, очи́стим плоть, / пости́мся я́коже в сне́дех от вся́кия стра́сти, / доброде́тельми наслажда́ющеся ду́ха: / в ни́хже соверша́ющеся любо́вию, / да сподо́бимся вси́ ви́дети / всечестну́ю стра́сть Христа́ Бо́га // и святу́ю Па́сху, духо́вно ра́дующеся.

 

Трио́дь, проще́ное воскресе́нье.

 

На стихо́вне, глас 4:

 

Возсия́ благода́ть Твоя́ Го́споди, / возсия́ просвеще́ние ду́ш на́ших. / Се вре́мя благоприя́тное, се вре́мя покая́ния, / отложи́м дела́ тьмы, и облече́мся во ору́жия све́та: / я́ко да преплы́вше поста́ вели́кую пучи́ну, / в тридне́вное Воскресе́ние дости́гнем, / Го́спода и Спа́са на́шего Иису́са Христа́, // спаса́ющаго ду́ши на́ша.

 

Сла́ва, и ны́не, гла́с то́йже:

 

Ангельстии чи́ни Тя Богома́ти прославля́ют: / Бо́га бо Всечи́стая родила́ еси́, / Отцу́, и Ду́ха соприсносу́щна, / и а́нгельская во́инства от не су́щаго хоте́нием поста́вивша. / Его́же моли́ от тли спасти́ и просвети́ти ду́ши правосла́вных, // Тя воспева́ющих Всечи́стая.

 


Поделиться:

Дата добавления: 2015-09-15; просмотров: 63; Мы поможем в написании вашей работы!; Нарушение авторских прав





lektsii.com - Лекции.Ком - 2014-2024 год. (0.005 сек.) Все материалы представленные на сайте исключительно с целью ознакомления читателями и не преследуют коммерческих целей или нарушение авторских прав
Главная страница Случайная страница Контакты