Студопедия

КАТЕГОРИИ:

АстрономияБиологияГеографияДругие языкиДругоеИнформатикаИсторияКультураЛитератураЛогикаМатематикаМедицинаМеханикаОбразованиеОхрана трудаПедагогикаПолитикаПравоПсихологияРиторикаСоциологияСпортСтроительствоТехнологияФизикаФилософияФинансыХимияЧерчениеЭкологияЭкономикаЭлектроника


На хвалитех, глас 1




Прииди́те де́лаим в та́йном виногра́де, / плоды́ покая́ния в нем творя́ще, / не в бра́шнех и питии́х тружда́ющеся, / но в моли́твах и посте́х доброде́тели исправля́юще: / си́ми угожда́емый Госпо́дь / де́ла, дина́рь подае́т, / и́мже ду́ши избавля́ет до́лга грехо́внаго, // еди́н Многоми́лостивый.

 

 

 

 

Триодь, неделя 5 Великого Поста.

Стихиры на Господи воззвах, глас 6.

Тебе́ у́бо возбраня́ше честны́х взира́ния, / скверн пре́жде привлече́нное скверне́ние: / твое́ же чу́вство, и твоя́ богому́драя соде́янных со́весть, / к лу́чшим тебе́ обраще́ние соде́яша. / На ико́ну бо воззре́вши благослове́нныя Богоотрокови́цы, / всех пока́явшися прегреше́ний свои́х всехва́льная пре́жних, // в дерзнове́нии честно́му Дре́ву поклони́лася еси́.

 

Ме́стом поклони́вшися ра́достно святы́м, / доброде́тели напу́тное спаси́тельнейшее, / отту́ду прия́ла еси́, и зело́ потекла́ еси́ до́брое ше́ствие: / и струю́ преше́дши Иорда́нскую,/ в жили́ще Предте́чево усе́рдно всели́лася еси́,/ и страсте́й свире́пство жи́тельством омрачи́ла еси́, / истончава́ющи в дерзнове́нии, приснопа́мятная ма́ти, // плотска́я сво́йства.

 

Слава, глас 4:

 

Очудотвори́ Христе́ Креста́ Твоего́ си́ла, / я́ко и я́же пре́жде блудни́ца, / по́стническим по́двигом подвиза́ся: / отню́дуже и немощно́е отве́ргши, / до́блественно сопротивоста́ на диа́вола. / Те́мже и по́честь побе́ды нося́щи, // мо́лится о душа́х на́ших.

 

Тропарь, глас 8:

 

В тебе́ ма́ти изве́стно спасе́ся е́же по о́бразу: / прии́мши бо крест, после́довала еси́ Христу́ / и де́ющи учи́ла еси́: презира́ти у́бо плоть, прехо́дит бо, / прилежа́ти же о души́ ве́щи безсме́ртней. // Те́мже и со Ангелы сра́дуется, преподо́бная Мари́е, дух твой.

 

Богородичен:

 

Иже нас ра́ди рожде́йся от Де́вы, / и, распя́тие претерпе́в, Благи́й, / испрове́ргий сме́ртию смерть и воскресе́ние явле́й я́ко Бог, / не пре́зри, я́же созда́л еси́ руко́ю Твое́ю. / Яви́ человеколю́бие Твое́, Ми́лостиве, / приими́ ро́ждшую Тя Богоро́дицу, моля́щуюся за ны, // и спаси́, Спа́се наш, лю́ди отча́янныя.

 

Кондак, глас 3:

 

Блуда́ми пе́рвее преиспо́лнена вся́ческими, / Христо́ва неве́ста днесь покая́нием яви́ся, / а́нгельское жи́тельство подража́ющи, / де́моны Креста́ ору́жием погубля́ет. // Сего́ ра́ди Ца́рствия неве́ста яви́лася еси́ Мари́е пресла́вная.

 

На хвалитех стихиры. Слава: глас 1.

 

Несть Ца́рство Бо́жие пи́ща и питие́, / но пра́вда и воздержа́ние со свя́тостию. / Те́мже не бога́тии вни́дут в не, / но ели́цы сокро́вища своя́ в ру́ки ни́щих влага́ют. / Сия́ и Дави́д проро́к учи́т глаго́ля: / пра́веден муж ми́луяй весь день, / наслажда́яйся Го́сподеви, / и во све́те ходя́й не по́ткнется. / Сия́ же вся к наказа́нию на́шему писа́шася, / я́ко да постя́щеся благосты́ню твори́м, // и даст нам Госпо́дь вме́сто земны́х небе́сная.

 

 


Поделиться:

Дата добавления: 2015-09-15; просмотров: 53; Мы поможем в написании вашей работы!; Нарушение авторских прав





lektsii.com - Лекции.Ком - 2014-2024 год. (0.006 сек.) Все материалы представленные на сайте исключительно с целью ознакомления читателями и не преследуют коммерческих целей или нарушение авторских прав
Главная страница Случайная страница Контакты