Ассемблер командасының пішімі

Ассемблер тілінің лексемалары ретінде аталымдар (іdentіfіers), символдық тізбектер және бүтін сандар бола алады.

Ассемблер тілінде тұрақты шамалардың бірнеше түрі қолданылады:

1. Екілік тұрақты шама (0 немес 1). Бұл символдар міндетті түрде B әрпімен бітуі керек. Мысалы: 111011100 b

2. Оналтылық тұрақты шамалар (0 ¸ 9, A, B, C, D, E, F). Міндетті түрде бұлар H әрпімен бітеді. Егер әріптен басталатын болса, онда алдына 0 қойылады. Мысалы: 0AB127H, 4AH.

3. Ондық тұрақты шамалар (0 ¸ 9). Соңына D әрпін қоюға да, қоймауға да болады.

4. Символдық тұрақты шамалар. Тырнақшаға алынған кез келген символдар немесе цифрлар жинағы.

Сонымен:

1) ассемблер – машиналық тілдің символдық аналогы, сондықтан программа шағынпроцессордың архитектурасының барлық ерекшеліктерін бейнелеуге тиіс. Олар жадыны ұйымдастыру, операндтарды адрестеу тәсілдері, регистрлерді пайдалану ережелері т.б.;

2) ассемблер тілінде жазылған программаны жадының сегмент деп аталатын бөлшектер жинағы ретінде қарастыруға болады. Әрбір сегмент тілдің сөйлемдер жинағынан тұрады. Әрбір сөйлем программаның кодасында бөлек бір жолдан тұрады;

3) ассемблердің сөйлемдері төрт түрлі болады (2-сурет):

· Командалар. Бұлардың объектік кодасы бар және бұлар шағынпроцессорге не істеу керек екенін көрсетеді.

· Макрокомандалар. Макрокоманда – бастапқы программадағы бірнеше машиналық командалардың орнына жүретін символдық атау.

· Директивалар (жалғаноператорлар). Жалғаноператор Ассемблерге деректермен және командалармен не істеу керектігін анықтайтын нұсқау береді. Сондықтан олар шағынпроцессордың емес, аударғыштың жұмысын басқарады және орындалатын EXE файлында бұл жалған­операторларға сәйкес машиналық кода болмайды.

· Түсініктеме .

Ассемблер командасының пішімі (3-сурет):

[таңба:] операция кодасы [1_операнд], [2_операнд] [ ; түсініктеме]

Тік жақшаға алынған команданың бөліктері ассемблер командасы­ның түріне байланысты оның құрамында болуы да болмауы да мүмкін.