Студопедия

КАТЕГОРИИ:

АвтомобилиАстрономияБиологияГеографияДом и садДругие языкиДругоеИнформатикаИсторияКультураЛитератураЛогикаМатематикаМедицинаМеталлургияМеханикаОбразованиеОхрана трудаПедагогикаПолитикаПравоПсихологияРелигияРиторикаСоциологияСпортСтроительствоТехнологияТуризмФизикаФилософияФинансыХимияЧерчениеЭкологияЭкономикаЭлектроника



За то что не имеют у себе духовныя власти, а входят.

Читайте также:
  1. В настоящее время в области литературного образования имеют место
  2. В. Понятие власти, влияния и лидерства.
  3. Верующие уже имеют достаточно веры
  4. Виды органов исполнительной власти. Система органов исполнительной власти, организационные и правовые основы ее построения.
  5. Вместе с тем нельзя отрицать, что в древневосточных цивилизациях в религиозном массовом сознании существовало особое мистическое отношение к власти, царственности, правителю.
  6. Внутренне строение государственного аппарата, порядок расположения органов государственной власти, их соотношение называется
  7. Вопрос 20. Система органов исполнительной власти, принципы ее построения.
  8. ГЕНОКРАТИЯ — наследственная форма власти, основанная на родственных отношениях.
  9. Гласность и научность (объективность) как принципы гос. управления, организации и деятельности органов исполн. власти, их соотношение с др. принципами.
  10. Гласность и научность (объективность) как принципы государственного управления, организации и деятельности органов исполнительной власти, их соотношение с другими принципами.

 

Таковии убо яко же сами, нерадения и лености своея ради; или ради небрежнаго и растленнаго жития своего, не хощут подати руку помощи, страждущей церкви Христовой. Такожде нападают на тех, иже по силе своей произволяют попечение о ней творити тем и поставляют себе единонравными дияволу. против нас ратники убо егда промышляющему лишити всякаго благочестия и пользы, а в християнех вкоренити своевольное и безчинное житие. И сие страждут, они беднии от своего неведения и непрочитании божественнаго писания. Мы же убозии яко же сами испытовати, и следовати закону Божию, тако и прочим показовати и убеждати должни есмы. Яко кто аще и не избран на духовное правление, соблюдает же себе по силе, от видимых пороков; тот аще увидит за кем кое либо безчиние, или услышит в коем либо християнском братстве, нечто противно православней церкви творимо; таковый да не умалчивает о том, но без сумнения должен есть с кротостию и чинно обличати, и запрещати, и исправляти. Аще ли кое безчиние собою исправити не возможет; и тогда небрещи о том, или умалчевати не подобает, и должен возвестити могущему, или могущим исправити. Послушаем же и божественнаго писания, тако нам о сем повелевающаго.

Господу нашему Исусу Христу, овогда глаголющу, не судить да не осуждени будите, овогда же паки глаголющу, аще согрешит тебе брат твой, иди обличи его между собою и тем и тем единем. Аще ли же тебе не послушает, повеждь церкви. аще ли же и церкви преслушает, буди ти яко язычник и мытарь. Сим Господь повелевает, ни единем духовным, но каждому християнину брата своего обличати.

Божественный апостол Павел, пространно о том же пишет. что выше сего во главах, 6-й, и 7-й довольно уже показано. и ниже сего нечто показано имать быти. Такожде Иоанн Златоустый, зело много пишет о том, частию уже предложихом вам, а частию еще представляем.

Не вся убо на учителей возметайте, не вся на наставники [к евреом нравоучен. 30 лист 3078]; можете и вы, рече, друг друга созидати. Еже и к солуняном пишет глаголя, един единаго созидайте, яко же и творите; и паки, утешайте друг друга в словесех сих. Сие вам завещаем ныне мы. Множайшая бо нас, аще восхощете, друг друга исправите. ибо множайшее время особого есте, и яже дружняя паче нас весте; и друг дружних недостатков не разумеете, множайшее и дерзновение имате, и любовь; и обычай. [ниже] тем же молю [лист 3079], не нерадите о даровании сем. кожду жену имать, друга имать, раба имать, суседа имать; сему да запрещает не его да наказует. [ниже] ей молю, никто же да не нерадит, мзду бо приимет от Бога многую. и да навыкнеши, ему же пять талантов доверени быша, есть учитель; а ему же един, ученик. ученик есмь аз, не имам беду, и еже прият от Бога талант, сие общее и нагое скрыет в земли [земля бо воистину есть и пепел, сердце скрывающее дар Божий]. Аще бо скрыет, или за леность, или за лукавство; не заступит его еже рещи, яко един талант имехом един ли талант имел еси; подобаше ти поне един принести, и усугубити талант. [ниже] [лист 3080] аще бо имения имущему и не преподающему мука есть. А могущему наказати, яко ни любо, и не творящему се; яко не будети превелия мука. Тамо тело питается зде душа. Тамо смерти возбраняти привременной, а зде вечной. Но не имам слово, рече, и несть требе слова, ниже благоречия. аще увидиши друга блудяща, рцы к нему; зла несть вещь яже дееши; не срамляешилися; ниже чермнееши, зло есть. той ли убо не весть, рече, яко зло есть; ей весть, но от похоти влекомы есть. и недужнии ведят, яко студеное питие зло есть, но обаче требуют возбраняющих. [ниже] [лист 3081] аще гневлива ли увидиши, аще лихоимца, удержи, свяжи наказанием. Сие есть дружество; тако брат от брата помогаем, аки град тверд будет. Нибо яже ясти и пити, творит дружество, таковое бо имут и разбойницы и мужеубийцы. но аще друзи есмы, аще воистину друг о друзе промышляем, в сия друг друга да способствуем; сия в дружество нас приводят полезное. сия возбраняют в геену отъити. Ниже убо обличаемый негодует, человецы бо есмы, и имамы согрешения; ниже обличаяй, аки посмеваяйся, или аки находяй, сие да творит и изъявляяй: но на едине с тихостию.





Того же о дияконе учащем, люди, не брегущим старейшим.

Понеже тогда епископу случися не быти ту во оно время [беседы на деяния. нравоучен. 46], от пресвитеров же ниже един печашеся, но просте сотвориша просвещениим внезапу в едину нощь тмам многим, и просте крещахуся вси, ничтоже ведуще. сих оный поем на особь, купно по сту и по двесте, беседоваше к ним; ино убо ничто же, разве иже о тайнах, яже ниже прощати смешатися сие причастными тайнам. [на стране, и егда отъидут не крещении] Сие ему творящу, мняху мнози началства желающу, сие творити; но он ничтоже печашеся о мнящих. [ниже] что убо он ли соблазны сея виновен; никакоже, яко же аз мню. Аще бо не сущей вине, сие творил бы; в лепоту оному вину написовати бы; и аще паки и простерл бы, егда бо от угодных Богови возбранялобыся. за соблазну другаго, прнебрегати подобает.

Той же инде [Маргарит слово на июдея]: Аще убо видиши кого требующа душевнаго или телеснаго исцеления, да не речеши в себе он сица, и он сица не исцели его. или яко аз мирянин есмь, жену имам; сия священником. рцы ми убо [и в Никонове слово 8]; Аще обрящеши злато лежащо, егда речеши в себе, почто он сица, и он сица не взят; никакоже. но тщишися прежде инех похитити; сице и о падших братиях помышляй, и непщуй сокровище быти, еже о онех попечися. И паки инде [беседы апост. лист 1302]. Ибо Моисей начинаемых ради, богатьство толико и сокровище неизглаголанное остави, изволи озлобитися с людьми Божиими; и прежде рукоположения, народоводитель бяше делы. Тем же и зело несмысленне глаголаше к нему евреин он; кто тя постави князя и судию над нами. Что глаголеши; дела зриши, а о именовании сумнишися. яко аще бы кто видев секуща врача изящне, и утружденному уду телеси помогающа, глаголал, кто тя постави врачем и сещи повеле; художество, о преблажайший, и недуг твой: такождь и сего художество сицева сотвори. Зрите же како он несмысленных онех невеждей, зазирающих святое дело, взущает и посрамляет. Таже и преподобный Иосиф Волоцкий, к тому же понуждает нас [О монастырском строении, слово 13]. Ниже: Хощет бо сице благолюбивый Господь, и услаждаем бывает и радуется о сих. Яко да не егда кто точию, о своей души подвизается, но и егда о искренем се сотворим. Сего убо ради, на богоподражательное воображается, и свершенныя любве устав в себе затворяет. и блаженство от сего приобретает, и свою со искренним благодетельствует душу. [ниже] Глаголет убо Великий Василий. За еже нам не хранити божественныя заповеди, и отеческая предания, сего ради входят в нас бесове, и творят елико хотят. И паки той же глаголет. Внимаем себе братие; небрежения бо ради и безчинства, и гради разоришася, и божественныя церкви огнем пожжены быша. [ниже] Тем же всяко тщание, и всяк подвиг покажем, о монастырском и иноческом устроении и благоговеинстве. Не мощьно бо единому настоятелю сего управити, аще и не прочая братия спостраждет ему; паче же приемшии исправления монастырская, и вси служебницы иже в монастыри суть. Аще убо вси попекутся о сем с настоятелем, или не сущу настоятелю; вскоре вся недостаточная навершатся; и вскоре вси предуспеют в страх Божий, и в благочиние и в благовеинство. Аще ли же тако не будет, не мощьно есть ни единому благоговеинству, и благоустроению ни благочинию быти. Тако бо свидетельствуют вся божественная писания. глаголетбося в божественной Лествице, не может убо един кормчий, без корабническаго поспешения корабль из пучины спасти. Такожде не мощьно без пасомых поспешества, паству управити; И инде речено бысть. Яко же не мощьно единому воеводе, кроме воинскаго поспешения, врагом удолети, или градский мятеж уставити. Такожде не мощьно единому пастырю, монастырский мятеж уставити, и благочиние сотворити, аще и не прочая братия спостражут ему. Глаголет же и святый Иосиф Волоцкий: Яко подобает нам братие; яко да крепкий немощьнаго подъимет, и прилежный пренемогающаго утешит, бдящий одержимаго воздвигнет, стройный нестройнаго да научит. и прочее. И тако себе содержаще, и друг друга на полезное учаще единодушно, посрамим супротивника нашего, и Бога нашего прославим. да и ангели святии о нас возвеселятся, и слышащии о нас подивятся, и прославят Бога. Сего ради соборным братиям, приемшим правление монастырская, и всем служебником иже суть в монастыри с настоятелем, или не сущу настоятелю, попечение имети о сем, яко да тако будет. яко же божественная писания, в предваривших речена будут. Аще ли же видят кого, стропотна и развращенна, да обличат и запретят, или настоятелю возвестят. Аще ли кто речет, яко аще кто настоятелю возвещает братное согрешение, се есть клеветание. Аще ли же кто начнет брату запрещати, или обличати, се есть осуждение. Таковии убо да познают. воистину, яко се есть ни клевета ни осуждение, но совершенная любовь. Тако бо повелевает божественный апостол Павел, сице глаголя. Молю же вы братие наказуйте безчинныя, утешайте немощныя. И паки глаголет; Аще человек впадет в некое согрешение, вы духовнии совершайте таковаго духом кротости. О непокоривых моляще[?] глаголет. Аще ли кто словеси нашего не послушает, посланием сего назнаменуйте, и не примешайтеся к нему, да посрамится. Аще бо и к мирским человеком сице речена бысть; еже наказати безчинныя, непокаряющимсяжеся запрещати, и не примешатися им да посрамятся. кольми паче подобает старейшим соборным братиям, и всем служебником иже в монастыри суть; им же повелено есть безчинствующим запрещати. [ниже] Аще ли же кто речет, яко священником подобает давати запрещение согрешающим, кающимжеся прощение. простым же человеком не подобает тако творити. к ним же сице речем. Аще будут неведома и тайная согрешения, малая или великая исповедуема бывают священнику; такожде втайне запрещение и прощение от него приемлют, по свидетельству священных правил. Зде же не о тайных гресех, но о явленных, еже есть о преданиих, иже зде написанных запрещают с настоятелем братия, приемшии правление монастырское; и кающимся прощение с настоятелем, или не сущу настоятелю подают. Кто убо не весть, аще кто начнет безчинствовати в церкви или на трапезе, или на монастыре, или за монастырем, не по обычаю благоговейных братии. Ибо и мирстии человецы, и господие рабом, и отцы чадом, и старцы учеником, несвященницы суще, возбраняют, и запрещают безчинствующим, и раны налагают, о таковых согрешениих. кающимжеся прощают, несвященницы сущи, ниже игумени. А иже втайне бываемая согрешния, единому настоятелю исповедуема бывают. и той един дает согрешающим запрещение, кающимжеся прощение. Не сущу же настоятелю, священнику да исповедуется, ему же повелят братия соборная исповеди приимати, прочим же священником не исповедуют. Дозде преп. Иосиф.

 

ГЛАВА, 9.


Дата добавления: 2015-01-01; просмотров: 20; Нарушение авторских прав


<== предыдущая лекция | следующая лекция ==>
Не приемлющих же наказания, и не хотящих исправитися, от церкви отлучати. | И о нерадящих и законно не окормляющих овец стада Христова.
lektsii.com - Лекции.Ком - 2014-2019 год. (0.01 сек.) Все материалы представленные на сайте исключительно с целью ознакомления читателями и не преследуют коммерческих целей или нарушение авторских прав
Главная страница Случайная страница Контакты