Студопедия

КАТЕГОРИИ:

АстрономияБиологияГеографияДругие языкиДругоеИнформатикаИсторияКультураЛитератураЛогикаМатематикаМедицинаМеханикаОбразованиеОхрана трудаПедагогикаПолитикаПравоПсихологияРиторикаСоциологияСпортСтроительствоТехнологияФизикаФилософияФинансыХимияЧерчениеЭкологияЭкономикаЭлектроника


И о нерадящих и законно не окормляющих овец стада Христова.




 

Стражем и блюстителем винограда Христова [Альфа и омега больш., глава 46], весьма быти обозрительным, трезвым и бодрым. яко же глаголет Господь [Иезекииль глава 34], сыне человечь, стража тя поставих дому израилева; и услышиши слова от уст Моих, и проповеси им от Мене. Егда реку грешнику, грешниче, смертию умреши, и не будеши глаголати грешнику, яко снабдитися; кровь его от руку твоею взыщу. Горе пастырем [Иеремия глава 23], иже расточают и растерзают стада паствы Моея. Изнемогающаго не подъясте, больнаго не уврачевасте и погибшаго не поискасте, и властию наказасте я и наруганием. Василий Великий [О постничестве, от предисловия лист 7]. Яже от богодохновеннаго писания указания, о иже всяко преступление заповеди Божии, зелне и страшне отмстившаго. Тем же аще и множайшая исправити мнится. мало же негде, или единоя яковы либо заповеди не радит, или прегрешившиму без разньства умолчит, не в ревности благу, по суду Божию покажет; о сем едином муки приимать. Аще и от невежества постраждет что таково, ниже тако без мучения убежит. [ниже] Аще жало смертное грех есть; не сей их он[?] но всякий грех; не милосерд есть уврачеваяй он[?] обличаяй. Яко уже яд оставляяй, уяденный от ядовитата[?] беса[?], они[?] изимаяй[?], или бес[?] разоряет той. Преподобный Иоанн Лествичник, сице пишет [глава 30, лист 274]: Аще приял еси очи, прозирати волны; сущим в корабли предглаголи. Аще ли быти истоплению виновен еси; яко ты паче всех вверен был безначалне окормлению. [ниже] словесы усвояй яже за инех, и не трепещите есте многа стыдени[?] отпе[…?] недугующаго на время, яко да недолго болит, или умрет, от молчания проклятаго. [ниже] услышим Павла великаго к Тимофеови пишуща. «Настой тем рече благовременне и безвеременне. Благовременне убо мню; егда о [...?] сладце терпят. Безвременне же внегда о сем хаплются. [ниже] избави иже от Бога избавленныи, и спаси спас[?] недуг[?] на смерть. [лист 281 обор.] и искупуя убиваемыя от бесов не пощади. [ниже], зри [лист 282 обор.] Да не како ежи паче потреба твое от твоих смирение, углие огненное на главу чадем твоим собирати. Во всех ти терпеливу потреба быти разве глаголемых прослушания. [ниже]. Лучше есть отгнати от обители [лист 283], нежели оставити свою волю послушати творити. отгнавый бо множицею отгнаннаго смиренейша содела и свою [..?] отсецати волю. А еже мнетися человеколюбие исхождение таковым подаяти; во время исхода окаянне того кляти сотвори; прельсти бо паче, [...?] [..?] их. Златоустаго [беседы на деяния нравоучением. 8]. Начальника бо много начальствуемых пользующаго, ничтоже окаяннейше есть. Инде [Альфа лист 352]. Проклят всяк творяй дело Господне с небрежением. и проклят возбраняяй мечю своему от крове. В толковании сице обретох на сей стих; Оружие или мечь слово Божие [Златоуст от книги 4. или 5. глава 48], им же греси истреблятися имеют. Сего ради старейшим иереом, достоит словом Божиим грехи искореневати. Велия бо тщета и погибль в пренебрежении. Подобает иереом, сильным яко Самсону, и к сопротивлению врагов невидимых, велиим яко Самуилу, или Саулу, к ношению тяжестей церковных, скорым или тщаливым, яко Израилю, красным и целомудренным, яко Иосифу, кротким и смиренным, яко Давыду, к терпению уничижений. И да сияет светлостию всем на себе зрящим. и да будет соль не смердящая но приятная, и пользующая всех благими нравы, и богоугодным житием, наставлением же и наказанием. Да не хулится но да прославляется истинная вера. Святый Каллист [евангелие недельное]. Яко же во пловцех, егда убо корабленник согрешит, малу наносит плавающим пагубу; егда же сам кормчий; всему сотворит кораблю погибель. Инде паки. Должен есть священник, в неделю и праздники слово Божие проповедати, о вере и о житии учити, по правилу 58-му святых апостол, 19-му шестаго всел. собора. Не точию бо молитися должни, но и слово Божие послушати. глаголет убо в притчах; уклонивый ухо свое непослушати закона, сей молитву свою омерзил есть. Златоуст [беседы евангел. Иоанна нравоуч. 86]. Священник аще житие свое устроит добре, обрученных же не со опасением печется, с лукавыми в геену отходит. множицею от своих не предан, от чад духовных по [..?] Святаго Макария.

Аще слепый слепаго водит [Никон Черныя горы слово 2 лист 6], оба в яму впадут. глаголет убо Бог пророком Иезекиилем; яко аще мечю приходящу, аще не потрубит людем ниже знамение даст стражник рече, и пришедшу мечу повредит. душа та убо за беззакония своя ята бысть, кровь же ея из руки стражника изыщу. Видиши ли возлюбленне отвещание Божие, в таковых вещех друг друга не измет. но паче сугубое согрешение настоящаго. душа бо рече за беззакония ята бысть, долг же ея из руки стражника изыщу. Сиречь, душа убо по делом своим приимет, не оправдитжеся сего ради, но продана будет врагом своим; а о погибели ея наставляяй осуждение приимет. страж убо глаголется на стражи стояй, некими же вылгарь именуется. еже приемлется в чин наставника, рекше настоящаго. Святаго Иоанна Златоустаго [Альфа в предисловии, лист 1 обор.]. Блажен град, от благочестивых царей царствуемый, и монастырь от воздержник и благочестивых строим, и корабль от искусных управляем. Горе же граду от нечестивых царей царствуему, и монастырю от сластолюбивых и тщеславных строиму, и кораблю от неискусных управляему. Град убо и страны пленени будут, а монастырь запустеет, а корабль разбиется. Горе всем яже о заповедех Господних нерадящим, и о своем спасении небрегущим. писано бо есть, проклят всяк творяй дело Божие с небрежением. о таковых речено бысть, лучше бы им не родитися. Апостол глаголет [Апостол толковый зач. 277 лист 938], и будет время, егда здраваго учения непослушают, но по своим похотем изберут себе учителей. Златоуст. Явственне рече изберут, сим неискусное и постыдное учителей назнамена; множество сих, еже от учеников, в чин учителей возъидут. Апостол. Чешеми слухом. Златоуст. Сладости ради глаголюще, и слух веселяще. Василий Великий [О постничестве, глава 140, лист 185]. Поставленный убо на строительство слову, и небрегий; яко убийца судится. яко же есть писано. [ниже] яко внегда совершитися грехом нашим, не хотяще отступити злых наших деяний. зле учащих нас, паче воли Божией, и прилепитися воли Божией, и добре нас от божественных писаний сей учащими, тогда и Бог отступает от нас совершенне, и дух прелести приходит, к зле нас учащим; да прелесть яко от Бога приемше, отслани будем в глубину погибели.

Cвятаго Макария [лист 6 у Никона Черныя горы]. Не токмо се, но и вся яко же рещи писания, и божественныя заповеди Господни, по волях наших плотьских растлеваем. и ови убо прельщаеми, ови же самопроизвольным хотением и любосластне части душевней устремишася, вся размешаем. Внегда глаголати и нам, к простейшим послушником нашим, ищущим вины о гресех, яко аз ответую Богови о согрешении, о нем же ти повелеваю, ты же неповинен еси. таже паки тем простым и безсловесным послушником глаголющим, яко неповинен есмь за сие; повелеваяй ми убо понесет осуждение, и ина подобная сим, накриво сказуем по всякому человеческому житию, не от божественных писаний, но от сердца нашего еже есть тщетно, и исполняется о сем божественное слово. Аще слепый слепаго водит, оба в яму впадут. От постных Василия Великаго [лист той]. И инде паки отцем глаголющим; яко не пользова ответ первозданнаго Адама, во еже рещи Адаму к Богу; яко жена юже ми даст, та ми рече. ни паки Евве в еже рещи, яко змий прельстил мя есть. Ниже слуги мучащия святыя имут кой либо ответ пред Богом рещи, яко раби бехом, и повеленная нам творихом, и несмы повинни. Пилат же игемон, и руце умы пред людьми оправдав себе, но понеже послуша беззаконно, не неповинен бысть согрешению. И тии убо беззаконнии июдеи, сице глаголаху предателю Июде. Мы неповинни есмы, ты узриши. сии вси инии множайшии, в ветсем же и в новем, безсловесно и беззаконно послушаша послушание, ничтоже яко рехом пользовашася, но кождо о гресе и о беззаконии своем истязан будет. сего убо безсловеснаго послушания, и служения прелесть яве показуя Господь глаголет; яко невозможно есть еже не приити соблазном; горе же человеку, от него же соблазн приходит. никто же да не просто приемлет, еже в божественных писаниих, положенное послушание, и ужасное падение впадется. не повелеваем во имя послушания, к нашей погибели приимати. но яко же отцы наши вселенстии учители, яко врачеве хитростнии повелевают. Первое настоящаго сказуют, каков должен есть быти, и какова повеления. потом же послушания положиша предел. И паки [Тактикон слово 18 лист 101 обор.]. Аз бо сице вменяю, яко аще ко угодию человеком сотвориши, и тии сами последи укорят вашего неразумия. Аще ли же ревнители истине будете, аще и вмале непокаряются, но последи понудятся, и похвалят еже по Бозе ревность вашу.

 

ГЛАВА, 10.


Поделиться:

Дата добавления: 2015-01-01; просмотров: 74; Мы поможем в написании вашей работы!; Нарушение авторских прав





lektsii.com - Лекции.Ком - 2014-2024 год. (0.006 сек.) Все материалы представленные на сайте исключительно с целью ознакомления читателями и не преследуют коммерческих целей или нарушение авторских прав
Главная страница Случайная страница Контакты