Студопедия

КАТЕГОРИИ:

АвтомобилиАстрономияБиологияГеографияДом и садДругие языкиДругоеИнформатикаИсторияКультураЛитератураЛогикаМатематикаМедицинаМеталлургияМеханикаОбразованиеОхрана трудаПедагогикаПолитикаПравоПсихологияРелигияРиторикаСоциологияСпортСтроительствоТехнологияТуризмФизикаФилософияФинансыХимияЧерчениеЭкологияЭкономикаЭлектроника



Оправдание.




Хоша у нас новожены и приемлются к покаянию, и приемлют они на себя плоды покаяния, обаче сами они молятся особливо; токмо тогда в моленье общаются, егда на исповеди бывают. А по исповеди паки сами молятся особливо, и несть у нас с ними единения, ни в ядении ни в питии ни в молении, то ваше на нас наношение излишное.

Им же за сие обличение и увещание.

Никто же собою приемлет честь, но званный от Бога [зач. 311]. Тако будем править, кого будем править: заведен обычай непременный, чтобы не сочли святии апостоли, и отцы наши за самопроизвольный. Утреннюя остроптятся от лица лукавства их [Аггея глава 2], и ненавидяста во вратех обличающаго. Инде. Верный со оглашеннным ни в дому да не помолится [Кормчая лист 28], кое бо общение свету ко тме. Выше. Моляйся со отлученным [правило 12], сам такожде отлучен будет. Толкование. Аще кто молится с еретики в церкви, или в дому, со отлученными от церкви, сам такожде да отлучен будет [лист 3, правило 10]. И паки. С еретики, и со отвергшимися от соборныя церкви, да не помолится никто [Кормчая лист 79 правило 33]. Толкование. Аще кто помолится с еретики, или со отлучившимися своею волею от соборныя церкви, сам да отлучен да будет. И еще. Неприобщенному приобщаяйся, сам неприобщен [лист 129 правило 9]. Толкование. Аще кто еретиком приобщаяся, и молится с ними, с верными не приобщится, но и от церкви да изринется. Василий Великий [О постничестве. глава 259]. Елика же есть от иже к согрешающим приобщения пакость, представляет апостол о таковей вещи, рек: мал квас, все смешение квасит; Аще же от иже во обычайных согрешающих, такова есть пакость; что подобает глаголати, о иже о Бозе злословящих; иже оправдание Божие познавшие, яко таковая деющии, достойни смерти суть, не точию творят та, но и соблаговольствуют деющим. И инде. В пленение ведет, в пленение пойдет. От толкования [Апокалипсис глава 13]. Готови суще озлобити искренних, и от диявола пленени будут, и сатанинским мечем душевную смерть приимут, ему же делы повинушася, сему и порабощаеми. Имуще же веру чистую и несмесную, и терпение непреложное во искушениих, не истреблени будут из книги животныя. И паки инде [Лествица слово 1, лист 16]. Противу бо гнитию язвенному, хитреца зело и врача требуем; Аще царь в пленении, где воины; Аще пастырь в погрязновении, где овцы. Аще и всем телом на суше, главою же в воде, где жизнь. Тогда точию годен, егда кается, а потом на кое житие благословится; и в коем чину останется. И паки. Аще пастырь единем молением отлучится, где он со стадом очиститися. О люте мне не бывшу грозну [Михея глава 7], яко ясти первоплодныя, яже возжеле душа моя. О люте мне душе, яко погибе боязнивыи с земля, и исправляющаго в человецех несть. О люте, о люте, отмщения твоя приспеша, ныне будут плачи их. По правому же велению церкви, неминуемо вон из винограда изметати, веяти и сеяти плеву и мякину, и непотребная зерна. Вне пси и чародеи и блудницы, и убийцы и идолослужителие, и всяк любяй и творяй лжу [Апокалипсис глава 24]. Толкование. Пси зде нарицаются, не точию безстуднии и невернии и в пресечении злии делателие, их же апостол Павел плакаше; но и обратившиися по крещении на свою блевотину; тем же с блудниками и убийцами и идолослужительми отчюждаются горняго стада. Сего деля и пишет. Измете злое от вас самех [коринф. зач. 134], и очистите злое. Еда кто корень горести выспрь прозябая, пакость сотворит, и тем осквернятся мнози [евреям зач. 332]. На сие святый Златоуст сказует [беседы лист 3077]. Сиречь, да не сие рече будет, невоздержных и блудников отсецайте. И паки [в Никонове слово 6]. Аще таковии пребывают неисправлени, отсецатися и отметатися требе есть. И инде [Матфея правильника состав..? глава 9]. Отсецати телесе християнскаго, еретика научени быхом; и иже безместными повинных согрешеньми. И паки инде [Кормчая лист 274]. Яко же в мори труждающиися, измещут некая бремена в море, яко да прочая спасут. Тако и мы отмещем соблазны нам творящих, да не с ними погибнем. И Василий Великий глаголет [Иосиф Волоцкий]. Изжени рече губителя из сонмища, и соизыдет с ним и молва, да не и прочим своя красты подает. Тем же иноверных [из предисловия Бесед], и благочестию вредных, блюстися и бегати далече достоит. И инде [на Деяния]. И прочии от человек, иже не избиени быша язвами сими, ниже покаяшася от дел рук своих [Апокалипсис глава 9]. Толкование. Являетжеся от сих, яко на весь мир наводим бывает гнев, различная бо прелесть козлогласует и неистовится, и безчинует между языки непознавающими истину, да будет же нам делы показующим, целую и преискреннюю в Бога веру, не услышати оный страшный глас, сице глаголющий: Аминь глаголю вам, не вем вас. Несть в нас искреннее о благочестии сострадание, и несть в нарушении онаго, совершеннаго стыдения. Добре рече Дух Святый Исаием пророком [глава 3]. Се Владыка Господь Саваоф, отъимет от Июдея и от Иеросалима крепкаго, и крепкую силу хлеба, и силу воды, исполина крепка, и человека ратника, и судию и пророка, и смотрелива и старца, и пятьдесятника, и дивна советника, и премудра художника, и разумна послушника. И поставлю юноша князя их, и ругатели обладают ими; яко имется человек брата своего, и присный отца своего; глаголя, ризу имаши, [житие добродетельное] старейшина нам буди, и пища моя от тебе будет; и отвещав в той день речет, не буду старейшина людем сим, июдея разорися, языцы их с беззаконием не покаряются Господеви, зане смирися слава их, и студ лица их противися им, грех же свой яко содомский возвестиша и явиша. И другий [Апокалипсис глава 2]. Побеждающему дам ясти от древа животнаго, еже есть посреде рая Божия; а не потакающему.





Аще мы без всякаго внимания время будем продолжать год за год, и от нечестия не будем затворять молитвенных врат, услышим и сие. [там же] Покайся, аще ли ни, прииду ти скоро, и брань сотворю с ним мечем уст Моих. Буди бдя и утвержая прочия, поминай убо како прият и слыша и соблюдай и покайся [глава 3].



Вся сия разсмотря, благонравнии и правовернии господие наши. Кто может упросити, страшнаго херувимом, и чюднаго серафимом, толико разгневаннаго законопреступлением, и совершенным от истиннаго благочестия отступлением; кто умолит чтобы он на нас сирых милостивно воззрел, яко же повествует святое евангелие [Благовестник от Матфея зач. 34]: Видев же рече народы, милосердова о них, яко бяху смятени и отвержени, яко овцы не имуще пастыря. Толкование. Разслаблени, сиречь, отпали гладом слова поучения, и повержени грехи лежаще, яко овцы не имуще пастыря промышляющаго о них. Понеже учители их не токмо не исправляху их, но паче и повреждаху. Евангелие. Тогда глагола учеником своим, жатва убо многа, жателей же мало, молитися убо Господину жатвы, яко да изведет делателя на жатву свою. Толкование. Жатву нарицает, множество требующих исцеления; делатели же, хотящих учити, иже не бе тогда во Израили.

Зрите же любимии, не сия ли вся [ныне] собрашася у нас. и запечатлешася в сокровищах наших. И сея ради вины; кая тягость кий бы нам труд, заповедать по всем церквам, сиречь, по християнским домам, на месте святе, на месте чисте, пред воображением Спаса Христа, аки к лицу Владыце Христу, со пророком Давыдом возопити; Где суть милости Твоя древняя Господи; яже клятся Давыду во истине Твоей; помяни Господи поношение раб Твоих, еже удержа в недре моем многи языки. Еже поносише врази Твои Господи, еже поносиша изменение Христа Твоего. [отступлением от истиннаго древняго благочестия] Аще мы ныне не сотворим соборне и любовне своею волею, и не удалим и не отдалимся от неплодной и негодной смоковники, глаголем; лукавой и прелюбодейной новоженческой сонмицы, до дня явления Сына Божия с небес. Что тогда сотворим, егда обещание свое исполнит глаголя [евреом зач. 333]; Яко еще единою Аз потрясу не токмо землею но и небом. И тогда весьма услышим мы реченное. И дах ей время да покается от любодейства своего, и не покаяся [Апокалипсис глава 2]; Се Аз помещу ю на одр, и любодеющия с нею, в скорбь велию, аще не покается от дел своих. и чада ея убию смертию. Толкование. Лукавая же [глаголет] ересь, время приемше в покаяние, добре не употребися; се помещу ю на одр; во образе пребысть, и блудницы сообращение и пронырство еретическое уподобих, претит ю немощию же и смертию обложити, и растлившиися с нею и [от Бога] соблудившия, аще и не обратятся к Нему с покаянием. Зрите же друзи, не токмо точию еретиком и беззаконником претит Господь, но и тем иже с ними мируют и совокупляются, любовь же и дружество всякое приветствие имеющим. Дозде ис писма.

 

ГЛАВА, 4.


Дата добавления: 2015-01-01; просмотров: 18; Нарушение авторских прав







lektsii.com - Лекции.Ком - 2014-2021 год. (0.015 сек.) Все материалы представленные на сайте исключительно с целью ознакомления читателями и не преследуют коммерческих целей или нарушение авторских прав
Главная страница Случайная страница Контакты