Леуметтік–тұрмыстық сервистің ұйымдастырушылық моделі

Ұйымдастыру – бұл кәсіпорын құрылымын құру процесі, оның өзі адамдардың өз мақсатына жету үшін тиімді жұмыс істеуіне мүмкіндік береді. Тауар қозғалысындағы процестерді, сауданы - ұйымдастыруға жатқызған кезде, бөлшек саудадағы шектеулі және толық қызмет көрсетуді, тауар сатуда қолданылатын шараларды - тауарды несиеге сатуды, сатып алушыларға банкілік несие берудің түрлерін, тауарды тегін апарып беру, ұзақ мерзімді тауарларға техникалық қызмет көрсету, тауар алушылардың демалуы мен тамақтануына қамқорлық жасау, көтерме сауда мекемелерінің бөлшек сауда сатушыларын оқытып беру, дүкендерін орналастыруды, тауарларын орналастыруы, тауар қорларын басқару жұмыстарын т.б орындау және оған көмектесуді қай салаға жатқызу мәселелерін шешіп алмай, тауарлық қарым-қатынастарға қатысты қызмет көрсетудің нәтижесін білу қиынға соғады. өйткені сондай шараларға жұмсалатын шығындар есептеуге келгенімен, олардың пайдаларын тауар айналымы түсімдерінің есептерінен бөлектеп көрсету мүмкін емес.

Сервис кәсіпорындарында күнделікті жұмыс барысында еңбекті ұйымдастырудың рационалды әдістері мен ыңғайларын, ұжымдық түрлерін қолдану аса қажет. Оның себептері: -техникалық;

-ұйымдастырушылқ;

-экономикалық;

-әлеуметтiлік жағдайдардан туындайды. Сервисті дұрыс ұйымдастырып, дамыту үшін сервис мәдениетін дамыту керек. Қызмет көрсетудің жоғары мәдениеті қызметшілерге қонақтардың мәселелерін шешуге мүмкіндік береді. Қызметтердің маркетингі саласында жұмыс істейтін адамдар, өз тауарының төрт спецификалық белгілерін ұмытпауы керек. 1-ші материалды тауарларға қарағанда қызметтерді, оларды тікелей көрсету сәтіне дейін, дәмін татып, ұстап көріп, көруге және естуге болмайды. 2-ші сервис саласында қызмет көрсететін адамды да, қызмет көрсетілетін адамды да қажет етеді, яғни қызметтер көзі мен объектісінен ажырамайды. 3-ші сервис саласының қызметтері құбылмалы, оның сапасы қызмет қандай жағдайда және кіммен көрсетіліп жатқандығына байланысты болады. Және 4-ші қызметтер сақтауға келмейді. Әркім өз міндетін айқын түсініп, қоян-қолтық әрекет еткенде ғана бірлесіп атқарған жұмыстың тиімді болатыны сөзсіз. Осыған орай ұйымдастыру қызметінің міндеті, еңбек әрекеті элементтері мен олардың өзара әрекет ету тәртібі арасындағы пропорцияны анықтау, жүйедегі әрбір жұмыскерлердің орны мен ролін белгілеу, оларды бөлімшелер мен звеноларға орналастыру, бұлардың бірлескен әрекетін мұқият ұйымдастрыру, аппараттағылардың барлығының, жекелеген қызметшілер мен жұмыскерлердің іс-әрекетін белгілейтін құжаттар әзірлеу арқылы жоспарда көрсетілген шаралар мен өндірістік процестердің мүлтіксіз жүзеге асырылуын қамтамасыз ету.

Ұйымдастыру бағдарламасын құру кезінде компания қызметтің 5 сипаттамасын ескеру керек:

1.Сезінбеушілік

2. Бөлінбеушілік

3. Сапаның тұрақсыздығы

4. Ұзақмерзімді еместік, сақтауға болмайды

5. Меншіктің жоқтығы

Сонымен қатар сервис саласын ұйымдастырған кезде келесілерді еске алу қажет:

- кәсіпорынның орналасуы тұтынушының орналасқан жеріне тәуелді болады;

- тұтынушының қажеттіліктері мен талаптары тиімділікке байланысты болмау мүмкін;

- жұмыстың күнтізбелік жоспарлануы негізінен тұтынушыға байланысты;

- сапаны өлшеу қиынға соғады;

- қызметкерлер тұтынушылармен жұмыс істеу дағдыларымен жақсы шұғылдануы керек;

- қызметкердің жұмыс тиімділігін өлшеу қиын;

- маркетинг пен өндірісті ажырату қиын.