Конструктор режимі. Өрісті кілттік ету. Өріс қасиеттері

Кесте конструкторын түрлі әрекеттер үшін пайдалануға болады:

· өріс атауын өзгерту; өріс типін өзгерту;

· өріс өлшемі мен форматын қайта орнату;

· жаңа өріс қосу; өрісті кілттік ету;

· жаңа кесте құру; өрісті индекстік ету және т.б.

Конструктор терезесін ашу үшін ДҚ терезесінің Кестелер қондырмасынан кесте атауын таңдап, Конструктор батырмасын шерту керек. Мысалы, сақтаулы "Сессия" кестесі үшін (5-сурет) оның көрінуі 7-суретте кескінделген.

Кестенің өріс типін өзгерту үшін осы терезенің "Деректер типі" бағанынан өріс қатарында орналасқан ұяшықты тандау керек. Оның оң жағында тілсызықбатырмасы пайда болады. Оны шертіп, ашылған тізімнен (8-сурет) қажетті типті таңдаса болғаны. Мысалы, 7-суретте кескінделген Конструктор режимітерезесінде Нөмір, Математ, Физика, Информат өрістерін Access мәтіндік тип түрінде сипаттауы мүмкін. Оларды сандық типке алмастыруға болады.

7-сурет. Сессия кестесі үшін Конструктор режимі терезесі

Өрісті кілттік етуүшін көрсеткішті атауының үстіне әкеліп, тышқанның оң батырмасын шерту керек. Көрінген жанама мәзірден Кілттік өрісқатарын шерту жеткілікті (не аспаптар панелінің Кілттік өріс батырмасын шертуге болады). Кілттік етілген өріс атауының сол жағына (шеттік бағанға) кілт белгісі орнатылып қойылады.

8-сурет. Өріс типтері тізімі

Дата/Уақытжәне Ақшалықтипті өpic қасиеттерін орнату тәсілдері де жоғарыдағы сияқты.