Бібліятэчны маркетынг

1.Сутнасць і сацыяльныя асновы маркетынгу.

Змест і напрамкі бібліятэчнага маркетынгу

Маркетынг, змест паняцця. Сацыяльныя асновы маркетынгу: мэты, задачы, сферы прымянення.

Фарміраванне і развіццё маркетынгу ў бібліятэчна-інфармацыйнай сферы.

Асноўныя паняцці маркетынгу; "патрэба", "патрэбнасць", "запыт", "тавар", "рынак", "паслуга" ў кантэксце бібліятэчнай дзейнасці.

Змест і напрамкі маркетынгавай дзейнасці бібліятэк. Функцыі і прынцыпы бібліятэчнага маркетынгу. Бібліятэка ў сістэме некамерцыйнага маркетынгу. Элементы комплексу маркетынгу ў кантэксце бібліятэчнай дзейнасці. Дабрачынная рэсурсная падтрымка бібліятэкі. Спонсарская дапамога ў кантэксце некамерцыйнай дзейнасці бібліятэкі. Мэты и задачы бібліятэчнага фандрэйзінгу.

Сацыяльна-арыентаваны маркетынг як далейшае развіццё маркетынгавых ідэй у сучасных умовах.

2. Сфера паслуг як аб’ект маркетынгу

Інфармацыйна-бібліятэчныя паслугі як спецыфічны від тавару. Класіфікацыя бібліятэчных паслуг. Асаблівасці інфармацыйных прадуктаў / паслуг. Ацэнка якасці біблія­тэчнай прадукцыі / паслугі.

Жыццёвы цыкл тавару/паслугі. Этапы жыццёвага цыкла: распрацоўка і ўкараненне, рост, насычанасць, спад. Распрацоўка маркетынгавай стратэгіі на кожным этапе. Кіраванне жыццёвым цыклам тавару: стварэнне інавацыйных прадуктаў / паслуг, стварэнне новых паслуг / прадуктаў, мадыфікацыя, мадэрні­зацыя, дыверсіфікацыя. Сацыяльная, тэхнічная, эканамічная эфектыўнасць інфармацыйных прадуктаў / паслуг.

3. Маркетынгавыя даследаванні ў бібліятэцы

Маркетынгавыя службы бібліятэк і арганізацыя іх працы. Асноўныя кірункі і функцыі маркетынгавай ра­бо­ты бібліятэк на сучасным этапе.

Сутнасць маркетынгавага даследавання ў бібліятэцы. Арганізацыя, методыка, тэхналогія маркетынгавага даследавання ў бібліятэцы.

Характарыстыка першасных і другасных крыніц марке­тынгавай інфармацыі. Метады збору маркетынгавай інфар­мацыі ў бібліятэцы. Метады даследаванняў у залежнасці ад спосабу сувязі з аўдыторыяй. Кіраванне попытам і прапановамі на бібліятэчна-інфармацыйным рынку з дапамогай маркетынгавых даследаванняў.

4. Цанавая палітыка бібліятэкі

Сутнасць маркетынгавага падыходу да цанавой палітыкі ў бібліятэчнай справе. Распрацоўка цанавой палітыкі – устанаўленне парадку цэнаўтварэння і рыначнага кошту на платную дадатковую бібліятэчна-бібліяграфічную, інфарма­цыйную прадукцыю і сервіснае абслугоўванне.

Асноўныя віды цэн. Структура цаны. Знешнія і ўнутраныя фактары, якія ўплываюць на працэс цэнаўтварэння ў бібліятэцы.

Задачы цанавой палітыкі і шляхі іх вырашэння. Этапы працэсу цэнаўтварэння: пастаноўка мэт цэнаўтварэння, аналіз затрат, аналіз попыту, аналіз цэн канкурэнтаў, выбар метаду цэнаўтварэння і ўстанаўленне цаны. Тактыка выкарыстання цэн.

Асноўныя метады фарміравання цаны.

Гібкая цанавая пазіцыя: цэнаўтварэнне са скідкамі, дыскрымінацыйнае цэнаўтварэнне і інш. Падыходы да цэнаўтварэння на паслугі і прадукцыю бібліятэчна-інфарма­цыйных устаноў.

Платныя паслугі ў кантэксце ініцыятыўнай фінансава-эканамічнай дзейнасці бібліятэк.

5. Камунікацыйная палітыка бібліятэкі

Палітыка камунікацыі ў бібліятэцы: сутнасць, мэты. Інструменты камунікацыйнай палітыкі: рэклама, стымуляванне збыту, сувязі з грамадскасцю.

Рэклама ў комплексе маркетынгавых камунікацый. Характарыстыка сучаснага рэкламнага працэсу і яго базавыя тэхналогіі. Агульная характарыстыка і віды рэкламы: інфар­мацыйная, пераканальная, параўнальная, напамінальная. Сродкі рэкламы: акустычныя, графічныя, візуальна-відо­вішчныя, прадметныя, дэкаратыўныя і інш. Каналы распаўсюджвання рэкламы. Адаптацыя розных відаў рэкламы да дзейнасці бібліятэк. Фактары, якія абумоўліваюць іх выбар: спецыфіка мэтавай аўдыторыі, змест рэкламнага звароту, аб’ём фінансавання.

Планаванне рэкламнай дзейнасці ў бібліятэцы. Выбар сродкаў распаўсюджвання рэкламы. Ацэнка эфектыўнасці рэкламнай дзейнасці.

Мерапрыемствы па сувязях з грамадскасцю (паблік рылейшнз): задачы, напрамкі. Фарміраванне спрыяльнай грамадскай думкі як асноўная мэта бібліятэкі пры рэалізацыі паблік рылейшнз.

Стымуляванне збыту: мэты, задачы, асноўныя характарыстыкі. Сродкі стымулявання збыту бібліятэчна-інфарма­цыйных паслуг, прадуктаў. Персанальны продаж.

Бібліятэчны менеджмент

1. Эвалюцыя менеджменту і фарміраванне канцэпцыі

бібліятэчнага менеджменту

Тэарэтычныя канцэпцыі вядучых заходніх школ у кіраванні.

Змест, значэнне працэснага, сістэмнага і сітуацыйнага падыходаў да кіравання бібліятэкай.

90-я гады ХХ стагоддзя – пачатак фарміравання канцэпцыі бібліятэчнага менеджменту. Тыпалогія кіравання ў сучаснай навуцы. Вызначэнне паняцця. Падыходы да тыпалагічнага аналізу менеджменту. Крытэрыі тыпалагічнага аналізу бібліятэчнага менеджменту: роля знешняга асяроддзя ў здзяйсненні кіравання; ступень арганізацыйнай фармалізацыі і статычнасці кіравання; размеркаванне паўна­моцтваў; асобасны фактар у кіраванні і роля менеджэра; прыярытэты ў арганізацыі кіравання. Найбольш важныя тыпы кіравання бібліятэкай у сучасных умовах, вылучаныя адпаведна крытэрыям.

2. Прававое забеспячэнне дзейнасці бібліятэк Беларусі

Прававое забеспячэнне дзейнасці бібліятэк, яго сутнасць і структура.

Прававое забеспячэнне дзейнасці бібліятэк Беларусі з пазіцый сістэмнага падыходу: бібліятэка як суб’ект прававога рэгулявання; прававая база дзейнасці бібліятэк; інстытуты ўлады і грамадска-прафесійныя інстытуты, якія забяспечваюць распрацоўку прававой базы дзейнасці бібліятэк і кантралююць іх выкананне.

Характарыстыка законаў Рэспублікі Беларусь (Закон аб культуры, Закон аб бібліятэчнай справе ў Рэпубліцы Беларусь) як асноўных дакументаў.

Рэкамендацыйныя дакументы па бібліятэчнай справе (кодэксы, маніфесты, заявы і інш.) прафесійных арганізацый і аб’яднанняў.

Фарміраванне і развіццё бібліятэчнага права як інстытута інфармацыйнага права.

3. Бібліятэка ў сістэме сацыяльна-культурнага

праграміравання

Сацыяльна-культурнае праграміраванне: сучасныя канцэпцыі і арганізацыйныя прынцыпы. Значэнне сацыяльна-культурнага праграміравання ў рэспубліканскай палітыцы. Асноўныя этапы ў распрацоўцы праграм: структураванае апісанне рашаемай праблемы, выпрацоўка мэт і прыярытэтных кірункаў праграмы; разгорнутае апісанне стратэгіі рашэння праблемы; выбар формаў і парадку арганізацыі стратэгіі; ацэнка эфектыўнасці і кантроль за рэалізацыяй праграмы.

Класы праграм у сацыяльна-культурнай сферы: іх характарыстыка і значэнне ў арганізацыі культурнага асяроддзя. Мегапраекты як мэтавыя праграмы развіцця бібліятэк на абласным і раённым узроўнях. Мультыпраекты як мэтавыя комплексныя праграмы на ўзроўні горада. Монапраекты ў бібліятэках.

4. Сістэма і структура кіравання бібліятэчнай справай

Сацыяльна-культурная сістэма “бібліятэчная справа” як сукупнасць узаемазвязаных падсістэм і элементаў, якія ствараюць цэласнасць.

Характарыстыка, мэты і задачы сістэмы “бібліятэчная справа”, яе падсістэм.

Характарыстыка законаў і асаблівасці развіцця біблія­тэчнай справы.

Дзяржаўна-грамадскае кіраванне бібліятэчнай справай. Роля і функцыі дзяржаўных і мясцовых заканадаўчых органаў у кіраванні бібліятэчнай справай. Выканаўчыя дзяржаўныя і мясцовыя органы кіравання бібліятэчнай справай, іх функцыі. Кіраванне сеткамі і сістэмамі бібліятэк ведамстваў і грамадскіх арганізацый. Грамадскае кіраванне бібліятэчнай справай. Бібліятэчныя грамадствы і асацыяцыі, іх роля і функцыі ў кіраванні бібліятэчнай справай.

Кіраўнічая функцыя арганізацыі ў сучасным кіраванні бібліятэкай. Задачы і сутнасць арганізацыйных структур кіравання.

Бюракратычныя арганізацыйныя структуры ў бібліятэцы: лінейная, лінейна-штабная, лінейна-функцыянальная, іх характарыстыка.

Адаптыўныя арганізацыйныя структуры: праграмна-мэ­тавая (праектная), матрычная; сфера прымянення, значэнне.

Цэнтралізаваныя і дэцэнтралізаваныя арганізацыі, станоўчыя бакі і недахопы. Рэалізацыя цэнтралізаванай структурнай арганізацыі ў дзейнасці ЦБС.

5. Планаванне бібліятэчнай дзейнасці

як функцыя менеджменту

Вызначэнне паняццяў “планаванне работы”, “план работы бібліятэкі”. Сістэма планаў работы бібліятэкі. Віды планаў бібліятэкі: па змесце, па тэрмінах выканання, па аб’ёме плануемай работы.

Канцэпцыя і пасылкі з’яўлення стратэгічнага менеджменту. Месца і значэнне стратэгічнага менеджменту ў кіраванні сучаснай бібліятэкай. Сутнасць стратэгічнага менеджменту.

Этапы стратэгічнага кіравання. Вызначэнне місіі бібліятэкі. Роля місіі ў яе жыццядзейнасці. Стратэгічнае планаванне ў бібліятэцы: вызначэнне і значэнне. Гарызонт планавання: ад стратэгіі да тактыкі; доўгатэрміновыя, сярэднетэрміновыя і бягучыя планы, іх асаблівасці, сістэма паказчыкаў, іх узаемасувязь. Стратэгічны план як метад перспектыўнага: агульныя рысы і іх адрозненне.

Аператыўнае планаванне, яго асаблівасці; сфера выкарыстання. Разлік кантрольных паказчыкаў плана, бюджэту працоўнага часу бібліятэкі. Вызначэнне паняццяў “фонд працоўнага часу”, “расход працоўнага часу”. Спосабы іх вымярэння.

6. Бібліятэчная статыстыка. Улік і справаздачнасць

Прадмет і задачы бібліятэчнай статыстыкі, яе роля ў кіраванні бібліятэчнай справай. Раздзелы бібліятэчнай статыстыкі: статыстыка бібліятэчнага фонду, статыстыка бібліятэчнага абслугоўвання, статыстыка бібліятэчнай сеткі, статыстыка бібліятэчных кадраў.

Арганізацыя статыстычнай работы ў бібліятэцы. Статыстычнае даследаванне, яго этапы. Першы этап статыстычнага даследавання: статыстычнае назіранне, яго віды і спосабы. Улік у бібліятэцы, віды, формы, метады. Справаздачнасць як форма статыстычнага назірання, яго асаблівасці.

Другі этап статыстычнага даследавання ў бібліятэцы: зводка і групоўка статыстычных матэрыялаў: праверка, сістэматызацыя, апрацоўка і падлік даных, атрыманых на першым этапе. Статыстычныя табліцы. Графічнае адлюстраванне статыстычных даных.

Аналіз даных – заключны этап статыстычнага даследавання. Яго задачы і асаблівасці. Правілы правядзення статыстычнага аналізу.

Паказчыкі бібліятэчнай статыстыкі: абсалютныя, адносныя, сярэднія. Сучасныя праблемы і перспектывы ўдасканалення статыстыкі.

7. Інавацыйна-метадычная дзейнасць бібліятэк

Метадычнае забеспячэнне бібліятэчнай дзейнасці, яго сутнасць, задачы, прынцыпы. Асноўныя кірункі метадычнага забеспячэння: кансультацыйна-метадычная дапамога біблія­тэкам, інавацыйная дзейнасць, павышэнне кваліфікацыі і перападрыхтоўкі кадраў.

Функцыі метадычнага забеспячэння.

Дыскусійныя пытанні метадычнага забеспячэння дзейнасці бібліятэк.

Метадычны маніторынг – сістэма назірання за змяненнямі ў бібліятэчнай справе. Яго аб’екты і крыніцы інфармацыі. Інфармацыйна-пошукавы апарат метадычнага маніторынгу. Методыка абследавання бібліятэк і аналізу бібліятэчнай практыкі. Методыка састаўлення агляду дзейнасці бібліятэк. Выкарыстанне вынікаў аналітычнай дзейнасці ў метадычным забеспячэнні работы бібліятэк.

Інавацыйная дзейнасць у бібліятэках, яе значэнне і змест. Асноўныя этапы інавацыйных працэсаў у бібліятэцы.

Навацыі, іх выяўленне і абагульненне. Прапаганда навацый і іх распаўсюджвання ў бібліятэках. Кіраванне новаўвядзеннямі ў бібліятэках: стварэнне навацый з дапамогай эксперыментальных метадаў, іх выкарыстанне і дапамога бібліятэкам у засваенні.

8. Кіраванне персаналам як кірунак менеджменту

Функцыі кіравання персаналам у сучасных умовах. Канцэпцыя “персанал – стратэгіі”. Склад функцыянальных блокаў па кіраванні персаналам бібліятэкі. Планаванне патрэбнасці ў персанале. Маркетынг персаналу, асноўныя прынцыпы, віды дзейнасці, этапы. Падбор кандыдатаў і адбор персаналу: арганізацыя і працэдуры. Прафесіяграмы і персанаграмы. Вызначэнне спосабаў падбору работнікаў. Адбор кандыдатаў, метады і працэдуры. Прафесіянальныя выпрабаванні. Гутарка.

Кіраванне працоўным патэнцыялам бібліятэкі. Расстаноўка персаналу. Сацыяльная і прафесійная адаптацыя персаналу. Працоўныя перамяшчэнні: віды, формы. Распаў­сюджванне гібкіх формаў занятасці (няпоўная занятасць, часовае працаўладкаванне). Ратацыя работнікаў. Аргані­зацыйная культура бібліятэкі.

Матывацыя працоўнай дзейнасці. Асноўныя паняцці: матыў, патрэбы, інтарэс, устаноўка, структура матываў працоўных паводзін. Сучасныя тэорыі матывацыі. Формы і метады стымулявання працоўнай дзейнасці. Эканамічная і сацыяльная эфектыўнасць матывацыі.

Раздзел ІІ

ДЫСЦЫПЛІНЫ СПЕЦЫЯЛІЗАЦЫЙ

Бібліятэчнае абслугоўванне дзяцей і юнацтва

1. Асаблівасці фарміравання фондаў дзіцячых бібліятэк

Значэнне дзіцячай бібліятэкі ў сацыялізацыі асобы школьніка. Рэформа агульнаадукацыйнай школы і задачы дзіцячых бібліятэк. Роля кнігі ў культурным і духоўным развіцці асобы школьніка, фарміраванні чытацкай і інфармацыйнай культуры.

Кніжнае ядро фонду дзіцячай бібліятэкі, яго характарыстыка. Роля кніжнага ядра ў фарміраванні фонду дзіцячай бібліятэкі мастацкай літаратурай, навукова-пазнавальнымі, даведачнымі выданнямі. Значэнне фонду дзіцячай бібліятэкі ў рэалізацыі яе педагагічнай функцыі.

Фарміраванне фонду дзіцячай бібліятэкі ў дапамогу вучэбнаму і выхаваўчаму працэсу. Асаблівасці фарміравання краязнаўчага фонду ў дзіцячай бібліятэцы.

2. Характарыстыка табліц ББК

для дзіцячых і школьных бібліятэк

“Библиотечно-библиографическая классификация” (ББК) для дзіцячых і школьных бібліятэк. Яе прынцыповыя асновы. Структура ББК: асноўныя табліцы, сістэма тыпавых дзяленняў, алфавітна-прадметны паказальнік (АПП). Дадаткі. Індэксацыя. Удасканаленне табліцы, некаторыя змяненні ў адпаведных раздзелах з улікам спецыфікі дзіцячых і школьных бібліятэк і адпаведныя метадычныя рашэнні. Перавыданні. Выкарыстанне табліцы ў бібліятэках Беларусі.

3. Методыка сістэматызацыі дзіцячай літаратуры

Агульная методыка сістэматызацыі літаратуры для дзяцей. Асаблівасці сістэматызацыі галіновай літаратуры ў дзіцячых бібліятэках. Улік асаблівасцей чытачоў-дзяцей розных узроставых груп. Сістэматызацыя літаратуры па асобных праблемах. Асаблівасці сістэматызацыі метадычнай, вучэбнай, навукова-пазнавальнай літаратуры і кніг аб самадзейнай творчасці дзяцей.

Сістэматызацыя літаратуры універсальнай тэматыкі: энцыклапедый, слоўнікаў, даведнікаў, серыйных і перыядычных выданняў. Выкарыстанне агульных, тэрытарыяльных і спецыяльных тыпавых дзяленняў, дадаткаў да табліц.

4. Сістэматычны каталог для чытачоў-дзяцей

Значэнне і функцыі сістэматычнага каталога бібліятэк, якія абслугоўваюць дзяцей і падлеткаў. Асаблівасці рэалізацыі прынцыпу даступнасці пры вядзенні сістэматычнага каталога ў сувязі з узроставымі асаблівасцямі дзяцей.

Асаблівасці структуры, зместу і афармлення сістэматыч­нага каталога для дзяцей розных узроставых груп.

Алфавітна-прадметны паказальнік – неад’емная частка сістэматычнага каталога для чытачоў-дзяцей.

5. Арганізацыя, вядзенне і выкарыстанне электроннага каталога (ЭК) у дзіцячых бібліятэках

Арганізацыя, вядзенне і выкарыстанне ЭК у дзіцячых бібліятэках. Інфармацыйнае і лінгвістычнае забеспячэнне ЭК дзіцячых бібліятэк.

Выкарыстанне “Библиотечно-библиографической классификации: таблицы для детских и школьных библиотек” (М., 1998) у якасці інфармацыйна-пошукавай мовы ЭК. Праграмнае забеспячэнне ЭК. АРМ апрацоўкі дакументаў. Рэдагаванне слоўнікаў ЭК; вядзенне і выкарыстанне ЭК; памятка чытачам па выкарыстанні ЭК.

6. Чытацкае развіццё асобы дзіцяці

ва ўмовах бібліятэкі

Характарыстыка айчынных і замежных даследаванняў, прысвечаных вывучэнню дзіцячага чытання. Уплыў біблія­тэкі на чытацкае развіццё асобы дзіцяці. Асаблівасці гэтага ўплыву ў залежнасці ад узросту чытацкага кантынгенту. Стварэнне псіхолага-педагагічнага маніторынгу (бесперапыннага вывучэння, мадэліравання і фарміравання) чытацкага развіцця асобы ва ўмовах бібліятэкі. Тыпалогія дзіцячага чытача. Тэорыя М.А.Рубакіна. Падыходы да тыпалогіі дзіцячага чытача сучасных педагогаў і псіхолагаў.

7. Характарыстыка чытання

дзяцей малодшага школьнага ўзросту

і асаблівасці бібліятэчнага абслугоўвання

Дзеці малодшага школьнага ўзросту як аб’ект даследавання. Псіхолага-педагагічная характарыстыка малодшых школьнікаў. Узроставыя асаблівасці дзяцей. Малодшы школь-нік як чытач. Успрыманне мастацкай літаратуры. Уплыў узроставых асаблівасцей на фарміраванне кола чытання. Дынаміка чытацкага развіцця дзяцей ад дашкольнага да малод­шага школьнага ўзросту. Асаблівасці работы бібліятэкара з дзецьмі малодшага школьнага ўзросту.

8. Характарыстыка чытання падлеткаў

і асаблівасці работы бібліятэкі па іх абслугоўванні

Малодшыя падлеткі (10–11 гадоў) і старшыя падлеткі (14 гадоў) як аб’ект даследавання. Узроставыя асаблівасці пад-­леткаў. Месца чытання ў іх жыцці. Псіхолага-педага­гічная характарыстыка падлетка як чытача. Тэматыка чытання. Уплыў пазнавальнай дзейнасці на чытацкі попыт. Дыферэнцыяцыя падлеткаў у залежнасці ад пазнавальнай актыўнасці і матываў чытання. Формы і метады бібліятэчнага абслугоўвання, накіраваныя на гуманізацыю асобы падлетка.

9. Улік узроставых асаблівасцей дзіцячага чытання

ў бібліятэчным абслугоўванні

Кніга і чытанне ў жыцці дзяцей дашкольнага ўзросту. Дынаміка чытацкага развіцця дзяцей ад дашкольнага да малодшага школьнага ўзросту. Уплыў узроставых асаблівасцей на ўспрыманне мастацкай літаратуры, на фарміраванне кола чытання малодшых школьнікаў. Роля бібліятэкара.

Уплыў пазнавальнай дзейнасці на чытацкі попыт. Роля бібліятэкара.

Кніга ў чытанні юнакоў. Характэрныя рысы юнацкага этапу чытацкага развіцця.

Роля бібліятэкара ў сацыялізацыі і гуманізацыі асобы юнака.

10. Бібліятэчнае заканадаўства і нарматыўныя

дакументы па арганізацыі дзейнасці школьнай бібліятэкі

Рэгламентацыя дзейнасці школьных бібліятэк законам “Аб бібліятэчнай справе ў Рэспубліцы Беларусь”, нарматыўнымі і прававымі актамі РБ па бібліятэчнай справе, распараджальнымі актамі Міністэрства адукацыі РБ, уставам агульнаадукацыйнай школы. Прававы статус школьнай бібліятэкі.

Змест Палажэння аб бібліятэцы агульнаадукацыйнай школы Рэспублікі Беларусь. Тыпавыя правілы карыстання школьнай бібліятэкай у Рэспубліцы Беларусь. Інструкцыя па стварэнні, папаўненні і абнаўленні бібліятэчных фондаў школьных падручнікаў. Паўнамоцтвы горада (раёна), дырэктараў школ, метадычных аб’яднанняў абласнога, гарадскога, раённага ўзроўняў.

11. Школьная бібліятэка як структурнае падраздзяленне

агульнаадукацыйнай установы

Арганізацыя, мэты і прынцыпы дзейнасці школьнай бібліятэкі.

Структура бібліятэкі. Кіраванне бібліятэкай і кантроль за яе дзейнасцю. Графік працы бібліятэкі. Бібліятэчныя тэхналогіі. Правы, абавязкі і адказнасць штатных супрацоўнікаў школьнай бібліятэкі. Фінансаванне. Матэрыяльна-тэхнічнае забеспячэнне. Фарміраванне інфармацыйных рэсурсаў. Камплектаванне і арганізацыя асноўнага фонду і фонду падручнікаў.

12. Планаванне і справаздачнасць школьнай бібліятэкі

Віды планаў. Перспектыўны план, яго структура. Гадавы план як частка агульнага гадавога плана вучэбна-выхаваўчай работы агульнаадукацыйнай установы.

Абавязковыя кірункі працы школьнай бібліятэкі. Асноўныя і дадатковы паказчыкі.

Справаздачнасць. Аналіз стану дзейнасці школьнай бібіятэкі, адносныя і сярэднія велічыні.

13. Выкарыстанне мультымедыя

ў дзіцячых і школьных бібліятэках

Тыпы мультымедыйных выданняў. Арганізацыйныя пытанні стварэння медыяцэнтраў у бібліятэцы. Місія медыяцэнтра – фарміраванне медыякультуры спажыўца інфарма­цыі. Бібліятэчны медыяцэнтр як цэнтр адукацыйных паслуг. Аказанне дапамогі школьнікам у выкарыстанні мультымедыйных выданняў. Аказанне дапамогі настаўнікам у выкарыстанні мультымедыя на вучэбных занятках. Медыятэка як цэнтр арганізацыі вольнага часу дзяцей і падлеткаў.